Edisi Joker (Jowo Keras)

Ngger, wes ngroso gedhe? Wes ngroso (sok) pinter?
Trimo jomblo maneh wae galaune ngalahi-ngalahi kripute Pak SBY mikir negoro.
Ngger, tak ngehi crito. Iki crito kok anggep ngapusi karepmu, ora yo sak penakmu.
Wong rabi, ngelune ora mung nglumpukne duit gae rame-rame ne hajatan.
Wong rabi, ngelune pasca rabi.
Sing jaremu cinta warnane pink, bar malam pertama warnane maleh abu-abu.
Percoyo? Ora oleh percoyo... percoyomu cuman oleh karo sing Moho Kuwaos.
Mbalik maneh, ngene....
Wong rabi mikire bar rabi arep mangan opo? Lek sing lanang, mikir arep ngingoni bojone sing urip bakal semono suwine piye? Amrih nafkah lahir karo batin iso seimbang.
Lek wes rabi, batur sak omahmu yo bojomu kuwi. Sing jarene cinta sehidup semati, bar rabi diuji.
Tak takon, pengen urip sampek umur piro?
Anggep ae sampek 60 tahun, umpomo saiki umurmu yo dianggep 30 lah.
Dadi, selama 30 tahun, (lek lanang) piye ngingoni bojomu amrih kewajibanmu dadi imam lan pemimpin keluarga kuwi lunas. Ora oleh ngutang, opo maneh kredit. Ora oleh.
Sing wedok, amrih piye nrimo nafkah lahir lan batin sing wes diusahakne bojone. Karo ngelunasi kewajibane ngurus rumah tangga. Iki yo podho, ora oleh utang opo maneh kredit, bungane gedhe.
Bayangno, TELUNG PULUH TAHUN, setahun iku 12 wulan, sak wulan dianggep 30 dino, kuwi mbendino kudu ngingoni ngger. Kuwi ora njamin lek awakmu bakal urip genep 30 tahun. Sik ojo ngomongne masalah mati, ngeri. Bahas sing urip ae.
Oke lanjut...
Iki sik secuwil ngelu ngger, durung liyane.
Umpomo, wes nduwe anak. Pikiran nambah, ora mung ngingoni bojo tapi ngingoni anak. Weh ngingoni anak ojo koyo ngingoni wedhus ngger, kok culne brung terus kon golek pakan dewe, dolan-dolan sekarepe dewe. Bubrah!
Ngingoni anak, ora mung mikir mangan, butuh sekolah, durung lek anakmu senengane jajan, senengane tuku mobil-mobilan, boneka, masak-masakan, walah walah..... Terus maneh, ngomongne soal sekolah, ora mung pendidikan formal, ora mung mentingne Matematika kudu nilaine 101 (satus siji) opo 105 (satus limo) ngono. Ojo lali, agomo ngger. Anak kudu bagus ngajine, bagus sholate. Rumangsamu ngladeni cah cilik belajar sholat ki gampang? Ora kelingan piye wong tuwomu mbiyen nggurak awakmu gae tertib sholat? Nahh...
Umpomo pendidikan formal, ora mung mlebu PAUD nglanjut TK, trus SD, SMP, SMA bahkan PT ne lek mikir mepet-mepet, ojo lali investasi.
Sik sik.. iki maeng ngelune wes nambah piro? Halah dianggep sik nambah siji ae yo? Oke fix. Lanjut..
Nahhh.......
Ngelu mikir bojo, anak, trus opo maneh? Oiyo, durung lek mertuamu gondokan, mutungan, nduwe tonggo tukang rasan-rasan, awakmu gampang tersinggungan, udung maneh mantane bojomu ning omahmu sowan, awakmune cemburuan, ujung-ujunge tukaran,byuh lengkape jan koyo pelangi, me ji ku hi bi ni u...... Iki lho jenenge kompleks!
Iki maeng durung mbahas masalah kerjoan. Iyo lek wes mapan, lha lek udung? Nambah maneh....
Iyo lek mapan, tapi podho-podho kerjo, podho-podho sibuk, omahe sepi, anake bingung, “ibu karo bapakku ki jane opo mejo karo kursi? Kok sing setia menemani ora ono wujud menungsone!”
Nahhh..... ojo muni awakmu arep alesan, “Iki kerjo golek duit gae anak. Tuku susune anak!” Heleh sinetron. Ojo sampek engko anake nyauri, “Aku ndak butuh duit pak, bu. Butuhku perhatiane jenengan. Kasih sayange jenengan”, halah sekeluarga meluo casting sinetron kono.
Lanjut maneh...
Ngene, ngomongne masalah kerjoan, embuh sing kerjo sing lanang, sing wedok opo loro karone, intine 24 (pat likur) jam kuwi ora mungkin ora, mesthine bakal dibagi. Perhatiane dibagi, waktune kumpul wayahe iso dowo, dibagi karo kerjoane, lek enek lembur, wayahe memadu kasih ning kasur, malih memadu kasih ambi kerjoane. Nahh.... Iyo pisan pindho, ora masalah. Lek terus-terusan? Tukaran, nggondokan, mutungan, lan rencang-rencange.
Janji ning awal sih ngomonge, “Aku bakal mbagi wektuku adil antara omah karo keluarga”. Tenane? Ciyus? Enelan? Miapah?
Sing adil cuman Moho Kuwaos ngger.
Ora lebay, ora ngluwih-ngluwihne, tapi lek enek ceritone umume pancen wes ono sing ngene iki pengalamane.
Iki maeng awal mulane sing dibahas rabi. Heleh kok rabi, sik pacaran ae lho jabang baby, BBM pending manyun semeter bibire, ora nafsu mangan, galau, sedih, gelisah, merana halah akeh. Durung lek lali hari jadiane, tukarane wes mirip gunung mbledhos. Enek pihak ketiga, wes dituduh selingkuh, padahal durung mesti pacare sing ganjen, iso ugo pancen pihak ke-3 ne sing rodok gatel (kudune dikukur lek gatel). Lek wes tukarane heboh, ngancem putus, nangis, ora mangan seminggu, kuru. Beeeeeee....... Iyo ora?
Ning kene ora enek sing ngomong pacaran kuwi apik, tapi yo uduk sing berwenang ngomong pacaran kuwi ora apik. Kari menungsone, dingehi akal, nduwe pikiran, dingehi ati, nduwe perasaan. Iso mikir karo ngrasakne.
Ora gek ngongkon ta’aruf ngger, tapi..... sikto ojo kesusu.
Ruwet lan komplekse ki ngono kuwi.
Trus intine iki ngapsss?
Nulis wae, suwun wes diwoco.
Hahaha......
Enek paribasan ngene, wong pinter belajar teko kesalahane dewe. Tapi wong bijak, belajar teko kesalahane wong liyo.
Nahhhh........
Hubungane opo karo tulisan semono dowone?
Yo kan wes tak tulis ning nduwure kuwi, iki nulis wae.

Edisi joker (jowo keras)
Sing uduk wong jowo, utowo wong jowo tapi ra mudheng, lek penulise sempet, diterjemahne ning boso sing sesuai EYD.
Lek sempet lan dibutuhne.

NB : Ditulis karo ngipi binti ngibul.
#Lassvera - @ZanzaBela - Bagikan